SeeMooMoobilE
https://i68.servimg.com/u/f68/14/28/67/40/uouoo_10.jpg


اهلا وسهلا بكم فى منتديات سيمو موبايل
تسجيل الزوار يشرفنا ودخول الاعضاء يسعدنا
 
الرئيسيةواجهة المنتدىبحـثس .و .جقائمة الاعضاءالمجموعاتمكتبة الصورالتسجيلدخول




شاطر | 
 

 تتجوزيني؟!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
boosycat
مراقبة عام المنتدى
مراقبة عام المنتدى


نوع الموبايل : samsung u700
انثى عدد المساهمات : 2204
تاريخ التسجيل : 26/08/2009
العمر : 25
الموقع : طلخا
العمل/الترفيه : طالبه بكلية الهندسه قسم الحاسبات و النظم

مُساهمةموضوع: تتجوزيني؟!   الأحد أبريل 04, 2010 10:18 pm

تتجوزيني ؟
ـ أفندم ؟
ـ بقولك تتجوزيني ؟
ـ !!!!!


ـ تتجوزيني ؟
ـ لا !
ـ ليه ؟
ـ بصراحة كدة شكلك مش عاجبني ..
ـ إزاي يعني ؟
ـ يعني .. أصل أنا ليا مواصفات معينة لفارس أحلامي .
ـ مواصفات معينة ؟ .. هو انتي هتتجوزي عربية ؟
ـ لا ! .. بصراحة كدة .. إنت مش فارس أحلامي اللي باتمناه !


ـ تتجوزيني ؟
ـ إيه ده ؟ شكلك اتغير !
ـ إيه رأيك ؟
ـ واو .. شعرك بقة ناعم ! .. دي باروكة ؟
ـ أيوة
ـ ودي عدسات خضراء ؟
ـ أيوة !
ـ واو ! .. بس بجد .. بقيت وسيم ! .. واو ! ده انت بقيت شبه نيكولاس كيج !
ـ مين عباس كيج ده ؟
ـ عباس ؟!! ياي ! .. إيه عباس دي ؟ اسمه نيكولاس ..
ـ مين نيكولاس ده ؟
ـ بقة مالكشي في السيما وجاي تكلمني ؟ .. ياي !


ـ تتجوزيني ؟
ـ انت لسة ليك عين تكلمني ؟
ـ أيوة .. أنا عرفت مين بنكرياس كيج ده !
ـ أولاً : اسمه نيكولاس كيج ..
ـ أيوة أيوة .. كنت هاقول اسمه صح .. بس اختصرته .. ده ممثل !
ـ ممثل إيه ؟
ـ ممثل أمريكاوي !
ـ أمريكاوي ؟! .. إخّييي ! .. اسمه أميريكان يا بابا ! .. ما تبقاش
دونكي !
ـ دونكي دي تبقى شتيمة ؟
ـ أف كورس !


ـ تتجوزيني ؟
ـ عندك عربية موديل كام ؟
ـ موديل دي تبقى شتيمة ؟


ـ تتجوزيني ؟
ـ قوللي الأول .. حاطط أنهي نغمة في الموبايل بتاعك ؟
ـ نغمة دي تبقى شتيمة ؟


ـ تتجوزيني ؟
ـ ما قلتليش .. إنت بتشتغل إيه ؟
ـ أنا -بلا فخر- عاطل !
ـ عاطل ؟ .. ياي ! ..
ـ مش أحسن من اللي ما بيشتغلش ؟
ـ لا !
ـ يعني مش هتتجوزيني ؟
ـ لا !
ـ كدة أنا أزعل !
ـ ما تزعلش يا بابا ! .. خليك فريش !
ـ ماشي .. ماشي .. بس قوليلي ..
ـ إيه ؟
ـ فريش دي تبقى شتيمة ؟


ـ تتجوزيني ؟
ـ لقيت شغل ؟
ـ أيوة طبعًا .. سنتين وأنا بادور .. أخيرًا لقيت ..
ـ وإيه هو ؟
ـ سواق تاكسي .
ـ ياي ! .. مش مكسوف وانت بتقولها ؟
ـ فيها إيه ؟ العمل شرف .. وكلها كام سنة وأجمع مبلغ كويس ..
ـ شرف ؟ جتك القرف !


ـ تتجوزيني ؟
ـ جمعت مبلغ كويس ؟
ـ طبعًا .. مبلغ كبير جدًا ..
ـ قد إيه يعني ؟
ـ ألف جنيه !
ـ نعم ؟!!! .. ألف جنيه دول تروح تسرح بيهم ببطاطا ..
ـ يعني موافقة ؟!
ـ روح اتنيل .



ـ تتجوزيني ؟
ـ عندك شقة ؟
ـ طبعًا ! .. أودة على السطوح ..
ـ نعم ؟!! ..
ـ إيه المشكلة ؟! .. أحسن ما ننام في الشارع !
ـ في الشارع ؟! .. إيه الألفاظ السوقية دي ؟! ياي ! .. لازم يا بابا تجيب
شقة .
ـ طيب .. كلها كام سنة وأجيبلك أحسن شقة في الدنيا .
ـ وهتجيبها في جاردن سيتي ولا في الزمالك ؟
ـ لا .. في الأهلي .. هيهع هيهع هيهع !



(وبعد سنوات):
تتجوزيني ؟
ـ جبت الشقة ؟
ـ أيوة ! .. الحكومة بتبني شقق للشباب وأنا خدت شقة .. صحيح إنها اتأخرت
لسبع
سنوات .. لكن المهم إنها جات .. !
ـ ـ فانتاستيك !
ـ بس الشقة ناقصة حاجة .
ـ إيه هي ؟
ـ مفيهاش حمام !
ـ امشي من قدامي ! .. مش طايقاك !



ـ تتجوزيني ؟
ـ إنت تاني ؟
ـ جبتلك حمّام إنما إيه !
ـ خليه ينفعك !
ـ ليه بس ؟ .. ده ينفع لينا احنا الاتنين !
ـ وأنا مالي ؟
ـ مش عاجبك .. مش مشكلة .. أكتبه باسمك !



(بعد سنين) ..
ـ هتتجوزيني ولا أولع فيكي ؟
ـ ومالك محروق كدة ؟
ـ حكايتنا طولت قوي .. طولت أكتر من اللازم !
ـ أوكي .. بس ممكن أعرف حاجة ؟
ـ إيه ؟
ـ إنت ليه متمسك بيا أوي كدة ؟
ـ أصل .. أصل ..
ـ أصل إيه ؟
ـ أصل أنا بحُبك (بضم الحاء) !
ـ بحُبك ؟!! .. إيه بحُبك دي ؟! .. إسمها بحِبك (بكسر الحاء) ! .. بعدين
خليك
روش وقول
I love you !
ـ ماشي .. بس قوليلي ..
ـ نعم ؟
ـ روش دي تبقى شتيمة ؟



ـ تتجوزيني ؟
ـ بصراحة .. في حاجة كنت عاوزة أقولهالك من زمااااااان .
ـ إيه ؟
ـ أنا بصراحة .. مش شايفة إن في حد في العالم يستاهلني !
ـ يا سلام ! .. ليه ؟
ـ عشان أنا جميلة .. خفيفة الدم .. رشيقة .. رقيقة ..
ـ رقيقة ؟! .. ده انت بدأتي تقشفي !
ـ فشر !
ـ فوقي لنفسك .. العمر بيجري ..
ـ أنا مصرة على رأيي !
ـ يعني إيه ؟
ـ يعني اقطع معايا !
ـ بعد كل السنين دي ؟! .. بعد كل الحب ده ؟!!
ـ بلاش تراجيديا من فضلك !
ـ ماشي .. بس قبل ما أمشي عاوز أسألك سؤال واحد بس ..
ـ إيه هو ؟
ـ تراجيديا دي تبقى شتيمة ؟



( بعد سنين) ..
ـ تتجوشيني ؟
ـ إيه ؟
ـ تتجوشييينييييييي ؟
ـ إنت مين ؟
ـ أنا حبيبك يا هبلة .. البشي النضارة عشان تشوفيني !
ـ طيب شاعدني عشان ألاقي النضارة !
ـ آهي على الترابيزة قدامك !
ـ فين ؟!!
ـ لا دي نظارتي أنا !
ـ أيوة لقيتها ..
ـ البشيها بقة !
ـ ططييبب !
ـ عينيكي فوق شوية .. ده بقك ..
ـ طيب لبشهالي إنت !
ـ عقبال ما البشك الدبلة !
ـ ما تكشفنيش ! .. كنت بتقول إيه بقى ؟
ـ كنت بقول تتجوشششيييينيييييي ؟
ـ أكوشك ؟ .. إزاي ؟
ـ يا ولية مش تكوشيني .. تـ .. تـ .. جـ .. و.. شـ .. يـ .. نـ .. ي ؟
ـ دي شتيمة ؟
ـ لاااااء .. بقولك تتجوشيني ؟!!
ـ آه !! .. أجوشك !
ـ بالضااااابط ! .. هاه ؟
ـ شيبني أفكر !
ـ أشيبك تفكري ؟! .. ده انت هتموتي خلاش !
ـ لا .. شيبني أفكر بش !
ـ ربنا يوفقك !
ـ إيه ؟
ـ ربنا يوفقك !
ـ بتقول إيه ؟
ـ ربنا ياخدك


""اللهم إني أسالك إيمانا دائما وأسألك قلبا خاشعا وأسألك علما نافعا وأسألك يقينا صادقا وأسألك

دينا قيما وأسألك العافية من كل بلية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
princess kitty
ملكة المنتدى
ملكة المنتدى


نوع الموبايل : Nokia 6300
انثى عدد المساهمات : 2460
تاريخ التسجيل : 26/11/2009
العمر : 25
الموقع : SemooO Mobile
العمل/الترفيه : ان شاء الله مهندسه حاسبات
المزاج : الحمد لله في السراء والضراء

مُساهمةموضوع: رد: تتجوزيني؟!   الأحد أبريل 04, 2010 10:27 pm

هههههههههههههههههههههههههههههههههههههههههههههههههه
ههههههههههههههههههههههههههههههههههههههههههههه
والله مضحكه القصيده دي
هههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
boosycat
مراقبة عام المنتدى
مراقبة عام المنتدى


نوع الموبايل : samsung u700
انثى عدد المساهمات : 2204
تاريخ التسجيل : 26/08/2009
العمر : 25
الموقع : طلخا
العمل/الترفيه : طالبه بكلية الهندسه قسم الحاسبات و النظم

مُساهمةموضوع: رد: تتجوزيني؟!   الأحد أبريل 04, 2010 10:30 pm

ههههههههههه
ربنا يخليكي يا كيتي
نورتيني


""اللهم إني أسالك إيمانا دائما وأسألك قلبا خاشعا وأسألك علما نافعا وأسألك يقينا صادقا وأسألك

دينا قيما وأسألك العافية من كل بلية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
beautiful girl
مشرفة المنتدى الادبى والترفيهى


انثى عدد المساهمات : 1742
تاريخ التسجيل : 27/08/2009
العمر : 21
الموقع : طلخا
المزاج : تمام

مُساهمةموضوع: رد: تتجوزيني؟!   الإثنين أبريل 05, 2010 1:04 am

هههههههههههههههههههههههههههههههههههههههههههههههههههههههههههههههههه
يا لهوى ده كله عشان يجوزها ده انا نفسي زهقت هو ما زهقش
جميلة اوى يا بوسي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ĐŘ_ṦĬЌφỘφ
مشرف المنتدى العلمى
سوبر استار المنتدى
مشرف المنتدى العلمىسوبر استار المنتدى


ذكر عدد المساهمات : 3031
تاريخ التسجيل : 27/08/2009
العمر : 25
الموقع : السكه الجديده
العمل/الترفيه : دوج طور بيطرى هههههه
المزاج : تماموووووووووووووووز

مُساهمةموضوع: رد: تتجوزيني؟!   الإثنين أبريل 05, 2010 2:17 am

هو الموضوع ده شتيمه؟
هههههههههههههه
حلو اوى يا بوسى




dr_siko0o in phisiology lab
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
SeemooO
Admin
Admin


نوع الموبايل : Nokia E90 Communicator
ذكر عدد المساهمات : 2166
تاريخ التسجيل : 12/08/2009
العمر : 25
الموقع : طلخاء المعز
العمل/الترفيه : مهندس اد الدنيا
المزاج : الحمد لله

مُساهمةموضوع: رد: تتجوزيني؟!   الإثنين أبريل 05, 2010 9:59 am

هههههههههههههه
موضوع جااااااااامد
والف مبروك للعروسين




اللهم قوينا بالإسلام وحببنا فيه واجعلنا من جنده ومن بنائيه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://seemomobile.forums2u.com
boosycat
مراقبة عام المنتدى
مراقبة عام المنتدى


نوع الموبايل : samsung u700
انثى عدد المساهمات : 2204
تاريخ التسجيل : 26/08/2009
العمر : 25
الموقع : طلخا
العمل/الترفيه : طالبه بكلية الهندسه قسم الحاسبات و النظم

مُساهمةموضوع: رد: تتجوزيني؟!   الإثنين أبريل 05, 2010 10:08 am

هههههههههه
الله يبارك فيك
بس شكله زهق فعلا و صرف نظر عن الجوازه دي
ههههههههه
و شكرا لمرورك بيوتي و سيكو و سيمو


""اللهم إني أسالك إيمانا دائما وأسألك قلبا خاشعا وأسألك علما نافعا وأسألك يقينا صادقا وأسألك

دينا قيما وأسألك العافية من كل بلية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
nody
موبايل شغال


نوع الموبايل : ng
انثى عدد المساهمات : 201
تاريخ التسجيل : 06/02/2010
العمر : 24
الموقع : سيموموبايل
المزاج : تمام

مُساهمةموضوع: رد: تتجوزيني؟!   السبت أبريل 17, 2010 4:06 pm

ههههههههههه حلوة ومواكبة العصر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
beautiful girl
مشرفة المنتدى الادبى والترفيهى


انثى عدد المساهمات : 1742
تاريخ التسجيل : 27/08/2009
العمر : 21
الموقع : طلخا
المزاج : تمام

مُساهمةموضوع: رد: تتجوزيني؟!   الأحد أبريل 18, 2010 11:28 am

عندك حق يا ريال
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
nody
موبايل شغال


نوع الموبايل : ng
انثى عدد المساهمات : 201
تاريخ التسجيل : 06/02/2010
العمر : 24
الموقع : سيموموبايل
المزاج : تمام

مُساهمةموضوع: رد: تتجوزيني؟!   الإثنين أبريل 19, 2010 9:11 am

ما انا كمان مواكبة العصر
ههههههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
abcarino
Admin
Admin


نوع الموبايل : K300
ذكر عدد المساهمات : 84
تاريخ التسجيل : 26/08/2009
العمر : 25
الموقع : http://seemomobile.forums2u.com
العمل/الترفيه : مهندس مدنى ان شاء الله
المزاج : عال العال

مُساهمةموضوع: رد: تتجوزيني؟!   الخميس أبريل 29, 2010 7:13 pm

ههههههههههههههههههههههههههههههههههههههههههه

حلوة جدا يا بوسى




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
boosycat
مراقبة عام المنتدى
مراقبة عام المنتدى


نوع الموبايل : samsung u700
انثى عدد المساهمات : 2204
تاريخ التسجيل : 26/08/2009
العمر : 25
الموقع : طلخا
العمل/الترفيه : طالبه بكلية الهندسه قسم الحاسبات و النظم

مُساهمةموضوع: رد: تتجوزيني؟!   السبت مايو 22, 2010 12:39 pm

شكرا لمرورك ريال و عبقر نورتوني


""اللهم إني أسالك إيمانا دائما وأسألك قلبا خاشعا وأسألك علما نافعا وأسألك يقينا صادقا وأسألك

دينا قيما وأسألك العافية من كل بلية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
تتجوزيني؟!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
SeeMooMoobilE :: القسم العام :: المنتدى الترفيهى-
انتقل الى: